Pantun Tundi Nukilan Cikgu Riah Akai

Pantun tundi ‘ dikena ngenang ulah mensia kemaya ari;

Padi tuai sebidai bidai,
Pantuk manuk kelabu’ bulu,
Makin tuai makin ka bambai,
Ngalahka nembiak rebak baru.

Padi tuai sebidai bidai,
Pantuk manuk kelabu’ bulu,
Umur dah tuai nganti ke parai,
Bisi ati bebini baru.

Padi tuai sebidai bidai,
Pantuk manuk kelabu’ bulu,
Udah tuai ka minta andai,
Agi biak nyau baka antu.

Padi tuai sebidai bidai,
Pantuk manuk kelabu’ bulu,
Bisi duit padahka nadai,
Nangi bini ‘suping’ selalu.

Padi tuai sebidai bidai,
Pantuk manuk kelabu’ bulu,
Dibai’ makai madah ke enggai,
Tengah malam nyerungkai baru.

Nukilan Cikgu Riah Akai

Comments

comments